የአለም ባንክ የአንበጣ መንጋን ለመከላከል 500 ሚሊዬን ዶላር መመደቡን አስታወቀ፡፡

ባንኩ እንዳስታወቀው በምስራቅ አፍሪካ እና መካከለኛው ምስራቅ አገራት ሰብሎችን እያወደመ ያለውን የበረሃ አንበጣ ለመዋጋት ለሃገራቱ በእርዳታ እና ዝቅተኛ የወለድ መጠን ብድር የሚውል 500 ሚሊዬን ዶላር መድቧል፡፡

የአለም ባንክ ከፍተኛ ባለስልጣን የሆኑት ሆልገር ክሬይ ፤በአንበጣ መንጋው ክፉኛ የተጎዱ አራት ሃገራት ማለትም ጅቡቲ፣ኢትዮጵያ፣ኬኒያና ዩጋንዳ 160 ሚሊዬን ዶላር ባስቸኳይ ይደርሳቸዋል ሲሉ ለሮይተርስ ተናግረዋል፡፡

የመን ሶማሊያና ሌሎች የተጎዱ ሃገራት ደግሞ እንደ አስፈላጊነቱ ገንዘቡ ይለቀቅላቸዋል ነው ያሉት፡፡

የአፍሪካ ቀንድ ታይቶ በማይታወቅ አንበጣ ወረራ ላይ ይገኛል ያሉት ክሬይ አዲሱ የኮሮና ቫይረስ ቀውስ ደግሞ ችግሩን እንደሚያባብሰው ነው ተናገሩት፡፡

የአለም ባንክ እንደሚለው አሁን የተከሰተው የአንበጣ መንጋ 23 የምስራቅ አፍሪካ፣መካከለኛው ምስራቅና ደቡብ ኢሲያ ሃገራትን አጥቅቷል፡፡

ይህም በ70 አመታት ውስጥ ከፍተኛው ወረርሽኝ ነው፡፡ በዚህም ሳቢያ በምስራቅ አፍሪካ ወደ 23 ሚሊዬን የሚጠጋ ህዝብ ለምግብ እጥረት ተጋልጠዋል፡፡

የበረሃ አንበጣ በቀን እስከ የመጓዝ አቅም አለው፤አንዳንዴ ደግሞ እስከ 250 ኪሎ ሜትር ሊጓዝ ይችላል፡፡

ውድ አድማጮቻችን እና ተከታዮቻችን የኢትዮ ኤፍ ኤም ስርጭቶችን፣ዜናዎችን እና ሌሎች ዝግጅቶችን ለመከታተል የቴሌግራም ቻናላችንን ይቀላቀሉ። https://t.me/ethiofm107dot8

በአባይነሽ ሽባባው
ግንቦት 14 ቀን 2012 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *