የዴንማርክ ጠቅላይ ሚኒስትር ሜት ፋሬድሪክሰን የአውሮፓ ህብረት ባዘጋጀው የኮሮና ቫይረስ ውይይት ምክንያት የሰርግ ፕሮግራማቸውን ሰረዙ።

ጠቅላይ ሚኒስትር ሜት ፋሬድሪክሰን የአውሮፓ ህብረት መሪዎች የኮሮና ቫይረስ ወረርኝን በተመለከት በተዘጋጀ ጉባሄ ላይ ለመገኝት የጋብቻብ ቀናቸውን መሰረዛቸው ተነግሯል ።

ጠቅላይ ሚኒስትሯ እንዳሉት የአውሮፓ አባል ሀገራት መሪዎች በፊታችን ሐምሌ 17 እና 18 2020 ከኮሮና ወረርሽኝ በኃላ ለመጀመርያ ጊዜ የገጽ ለገጽ ውይይት ለማካሄድ ቀነ ቀጠሮ በመያዙ ከሰርጌ ቀን ጋር ተጋጭቷል ብለዋል ።

የአውሮፓ ህብረት አባል ሀገራት መሪዎች በሚካሄዱት ውይይት ላይ የኮቪድ 19 የማገገሚያ ፈንድ እና አዲስ በጀት ላይ ምክረ ሀሳብ ያቀርባሉ ተብሎ እንድሚጠበም ተነግሯል ።

በአውሮፓ ውስጥ በኮሮና ቫይረስ ወረርሽኝ ምክንያት ቀውስ ውስጥ የሚገኙ ሀገራትን ዋስትና ለመስጠት የሚደረገውን ጥረት የዴንማርክን ጥቅም የሚነካ ከሆነ ግን እንደማይተባበሩ ጠቅላይ ሚኒስትሯ ተናግረዋል ።

ጠቅላይ ሚንስትሯ በጋብቻ ለመጣመር ቀነ ቀጠሮው የተሰረዘበት እጮኛቸውን ይቅርታ ስለታገስክኝም አመሰግናለሁ ማለታቸውን ሮይተርስ ዘግቧል።

ውድ አድማጮቻችን እና ተከታዮቻችን የኢትዮ ኤፍ ኤም ስርጭቶችን፣ዜናዎችን እና ሌሎች ዝግጅቶችን ለመከታተል የቴሌግራም ቻናላችንን ይቀላቀሉ። https://t.me/ethiofm107dot8

በዳንኤል መላኩ
ሰኔ 19 ቀን 2012 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published.