ማህበራዊ ድረ-ገጽን በአግባቡ አለመጠቀም በህግ ሊያስጠይቅ ነው

በሀገራችን ከማህበራዊ ድረ-ገጽ አጠቃቀም ጋር ተያይዞ ክፍተቶች እንደሚስተዋሉ በንቃተ ህግ ትምህርትና ስልጠና ዳይሬክቶሬት ዐቃቤ ህግ የሰውዘር አበበ ገልጸዋል፡፡

የማህበራዊ ድረ-ገጽ አጠቃቀምን በማዘመንና በህግ በተቀመጠው አግባብ በመጠቀም እራስን ከተጠያቂነት መከላከል እንደሚገባ የገለጹት ዐቃቤ ህጓ የማህበራዊ ድረ-ገጽ አጠቃቀምን አስመልክቶ በህግ የተቀመጡ ገደቦችን ሳያልፉ ለታለመለት አላማ ብቻ በመጠቀም ተገቢ ነው ብለዋል፡፡

ነገር ግን የማህበራዊ ድረ-ገጽን ላልተፈለገ እኩይ ተግባር በማዋል የሀሰጠኛ መረጃና የጥላቻ ንግግ ለማስተላለፊያነት በመጠቀም የሌሎችን ሰብዓዊ ክብር የሚነኩ እንዲሁም ባልተጨበጠ መረጃ ህብረተሰቡ ግራ እንዲጋባ ለማድረግ ያለአግባብ በሚጠቀሙ አካላትን ተጠያቂ የሚያደርግ የሀሰጠኛ መረጃ ስርጭትና የጥላቻ ንግግን የሚከለክል አዋጅ ወጥቶ ስራ ላይ እንደዋለ አስታውሰዋል፡፡

በአዋጁ ከተካተቱት መካከልም የጥላቻ ንግግርን በብሮድካስት፣ በህትመት ወይም በማህበራዊ ሚዲያ ወይንም ሌላ ተመሳሳይ ዘዴዎችን በመጠቀም ያስተላለፈ እስከ 2 አመት በሚደርስ እስራትና በብር 100,000 እንደሚያስቀጣ አብራርተዋል፡፡

በተጨማሪም በተላለፈው የጥላቻ ንግግር ምክንያት በግለሰብ ወይም በቡድን ላይ ጥቃት ደርሶ እንደሆነ የቅጣቱ ጊዜ እስከ 5 ዓመት የሚደርስ ሲሆን ሀሰተኛ መረጃዎችን በአደባባይ ስብሰባዎች፣ በብሮድካስት፣ በማህበራዊ ሚዲያ ወይም በሌላ ተመሳሳይ ዘዴዎች አማካኝነት በምስል፣ በጽሁፍ ወይም በቪዲዮ በመጠቀም ያሰራጨ እንደሆነ 1 ዓመት በሚደርስ እስራት ወይም በ50,000 ብር ቅጣት ሊተላለፍበት ይችላል ያሉት ዐቃቤ ህጓ መረጃው ከ5000 በላይ ተከታይ ባለው ማህበራዊ ድረ-ገጽ የተላለፈና ጉዳት የደረሰ እንደሆነ ግን የቅጣት መጠኑ ከ2 እስከ 5 ዓመት ሊደርስ ይችላል ብለዋል፡፡
#መረጃው የጠቅላይ አቃቢ ህግ ነው

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published.