የሀገር ውስጥ ዜና

በህግ የሚፈለጉ የህወሃት ቡድን አባላት እጃቸውን እንዲሰጡ የብልጽግና ፓርቲ ጥሪ አቀረበ።

ፓርቲው ባስተላለፈው ጥሪ እንዳለው በህግ የሚፈለጉ የህወሃት ቡድን አባላት በአስቸኳይ እጅ በመስጠት ህዝብን ከእንግልት ራስንም ከአጉል ውርደት አድኖ በፍርድ አደባባይ ብትዳኙ ይሻላል ብሏል።

መጥፊያው እየቀረበ የመጣው የማፊያ ቡድን በሀገር መከላከያ ሰራዊት እየደረሰበት ካለው ሽንፈት የተነሳ በከፍተኛ ሁኔታ የመዳከም እና የመፈረካከስ ሁኔታ ውስጥ እንደሚገኝ ፓርቲው ገልጿል።

ይህ ቡድን የመጨረሻ አማራጮቹን ሁሉ ተጠቅሞ እየፈነቀለ ያለው ድንጋይ ሁሉ እንቅፋት እና መጥፊያው እየሆነ ከፍርድም እንደማያስመልጠው እየተረዳው መጥቷል ብሏል ፓርቲው።

ፓርቲው መቐለ የመሸገው ሽፍታ ቡድን እና ያሰማራው ሰራዊት በቀለበት ውስጥ እየተሽከረከረ መውጫው ጨንቆት በሀገር መከላከያ ሰራዊት ሽንፈትን እየተከናነበ መሆኑ ግልጽ ነው ብሏል፡፡

“በነፍስ ግቢ እና ውጪ ውስጥ ሆኖ ዝብርቅርቁ የወጣ መግለጫ መስጠት፣ ሲዘርፍ የኖረውን ጥሪት ሁሉ ለጦር ሜዳ መገበር፣ መከላከያ ሰራዊታችን ላይ የጫረውን እና የፈፀመውን ግፍ ክዶ ቀኑን ሙሉ ተወረርኩ ብሎ ማላዘን መገለጫው ሆኗል” ብሏል ፓርቲው።

ታሪክ የሚያበላሽ ጦርነት ውስጥ አልሳተፍም ብሎ ለጦርነቱ ጥሪ ጆሮ ዳባ ልበስ ያለው የትግራይ ህዝብ ምላሽ መጨረሻውን እያፈጠነው እና ህዝቡ ከመከላከያ ሰራዊት ጎን እየተሰለፈ መሆኑ ቡድኑን ከፍተኛ ተስፋ መቁረጥ ውስጥ እንደከተተው ፓርቲው ገልጿል።

የትግራይ ህዝብም ባለውለታው ከሆነው የአገር መከላከያ ሰራዊት አባላት ጎን በመሰለፍ የጁንታው ቡድን ግብአተ መሬት እንዲፈፀም የበኩሉን ድርሻ እየተወጣ መሆኑን ፓርቲው በመግለጫው ገልጿል፡፡

ኢትዮ ኤፍ ኤም የኢትዮጵያዊያን
ሕዳር 10 ቀን 2013 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *