የትምህርት ሚኒስቴር የኦንላይን መማሪያ ስርዓትን እና ዲጂታል ላይብራሪ አገልግሎቶችን መስጠት መጀመሩን አስታወቀ፡፡

የመረጃ፣ የተግባቦትና ቴክኖሎጂ አጠቃቀም እንዲሁም የዲጂታል ቴክኖሎጂ አተገባበር ሥርዓትን ማሻሻል የሚያስችሉ መርሐ ግብሮችን ይፋ ያደረገው ሚኒስቴሩ የኦንላይን መማሪያ ስርዓትን እና ዲጂታል ላይብራሪ አገልግሎቶቱ መደበኛና አጋዥ መጽሃፍት፣ ተንቀሳቃሽ ምስሎችን ሚኒስቴሩ ካዘጋጃቸው እና ለተማሪዎች ይጠቅማሉ ካላቸው ከተለያዩ የውጭ ምንጮች በማካተት ለተማሪዎች ማቅረቡን አስታውቋል፡፡

አገልግሎቱ ለተማሪዎች ግብዓቶችን በክፍል፣ በትምህርት አይነት፣ በምዕራፍ በመምረጥ ለአጠቃቀም ቀላል ሆኖ ቀርቧል ያለው ሚኒስቴሩ የአካል ጉዳተኞችን እና ወደ ትምህርት ቤት መምጣት የማይችሉ ተማሪዎችንም ችግር እንዲያቃልል ሆኖ የተዘጋጀ እና ልዪ ተሰጥኦ ያላችውን ተማሪዎች የትምህርት ስርዓቱን ሳይገደቡ መከታተል ያስችላልም ብሏል፡፡

ከሶስት ሺ በላይ የሚሆኑ የሁለተኛ ደረጃ ትምህርት የመማር ማስተማር ግብዓቶብን በክፍል፣ በትምህርት አይነት እና በምዕራፍ ተከፋፍሎ ወደ ሲስተሙ የመጫን ስራ ተጠናቆ ግብዓቶቹን በነፃ በኢንተርኔት እና ከኢንተርኔት ውጪ በማውረድ መጠቀም እንደሚቻልም ጠቁሟል፡፡

በአጭር ጊዜ ለመጀመሪያ ደረጃ እና የቅድመ መደበኛ ተማሪዎች የዚሁ አግልግሎት ተጠቃሚ የማድረግ ስራ ተጣናክሮ መቀጠሉን ያስታወቀው ሚኒስቴሩ ተማሪዎችም የኦንላይን መማሪያ ስርዓትን እና ዲጂታል ላይብራሪ አገልግሎትን ለማግኘት elearn.moe.gov.et መጠቀም እንደምትችሉ ሚኒስቴሩ አስታውቋል፡፡

ኢትዮ ኤፍ ኤም የኢትዮጵያውያን
የካቲት 18 ቀን 2014 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published.