በሩሲያ ስፖንሰር ለሚደረጉ ተገንጣዮች እውቅና እንድሰጥ የሚጠይቅ ማንኛውንም ስምምነት አንቀበልም አለች ዩክሬን

ዩክሬን በሩሲያ ስፖንሰር ለሚደረጉ ተገንጣዮች እውቅና እንድሰጥ የሚጠይቅ ማንኛውንም ስምምነት አንቀበልም ብትልም ሩሲያ እንድትደራደራት እየተማፀነች ነው፡፡

ፕሬዝዳንቱ ትናንት ከ ሲ ኤን ኤን ጋር በነበራቸው ቆይታ በቀጥታ ከሩሲያው ፕሬዝዳንት ቭላድሚር ፑቲን ጋር ለመወያየት ዝግጁ እንደሆኑ የገለፁ ሲሆን ጦርነቱን ለማስቆም ድርድር ብቸኛው መንገድ ነው ብዬ አምናለሁ ሲሉ ተናግረዋል፡፡

የመደራደር ዕድሉን ለማስፋት የትኛውንም መንገድ የትኛውንም ዕድል መጠቀም እንዳለብን አምናለሁ የሚሉት ዜሌኒስኪ በሩሲያ ስፖንሰር ለሚደረጉ ተገንጣዮች እውቅና እንድሰጥ የሚጠይቅ ማንኛውንም ስምምነት ግን አልቀበልም ሲሉ ተናግረዋል፡፡

የዩክሬኑ ፕሬዝዳንት ቮሎድሚር ዜሌኒስኪ የሩሲያን ወረራ በድርድር ማስቆም አልተቻለም ማለት ግን የሶስተኛው የአለም ጦርነት መጀመር ማለት ነው ብለዋል፡፡

ፕሬዝዳንቱ ሀገሬ የኔቶ አባል ሀገር ብትሆን ኖሮ ጦርነቱ ቀድሞ ነገር ባልተጀመረ ነበር ብለዋል፡፡

የኔቶ አባላት እኛን እንደ አጋር ለማየት ዝግጁ ከሆኑ መደረግ ያለበትን በፍጥነት ማድረግ አለባቸው፤ ምክንያቱም ሰዎች በየቀኑ እየሞቱ ነው ሲሉ ጥሪያቸውን ማስተላለፋቸውን ሲ ኤን ኤን ዘግቧል፡፡

ሔኖክ አሥራት
መጋቢት 12 ቀን 2014 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published.