በመዲናዋ ትናንት ማምሻውን በጣለው ዝናብ 7 ቤቶች ከፍተኛ አደጋ ደርሶባቸዋል፡፡

በአዲስ አበባ ከሰሞኑ ቀለል ያሉ የጎርፍ አደጋዎች እየደረሱ እንደሚገኙ ተነግሯል፡፡
የእሳት እና የአደጋ ስጋት ስራ አመራር ኮሚሽን ለኢትዮ ኤፍ ኤም እንዳስታወቀው፣ በአዲስ አበባ በሶስት አካባቢዎች ድንገተኛ አደጋዎች ደርሰዋል፡፡

የጎርፍ አደጋዎቹ የደረሱት በኮልፌ ቀራኒዮ ክፍለ ከተማ ወረዳ ስምንት በተለምዶ የሺ ደበሌ ተብሎ በሚጠራው ሰፈር፣ አንድ ባጃጅ ተሽከርካሪ ላይ የደረሰ የእሳት አደጋ ሲሆን፣ በአደጋው ምክንያት 40ሺህ ብር የሚገመት ንብረት ውድመት ደርሶበታል ተብሏል፡፡

ሌላኛው አደጋ የደረሰው እዛው ኮልፌ ቀራኒዮ ክፍለ ከተማ ወረዳ አንድ ላይ አየር ጤና አካባቢ በመኖርያ ቤቶች ላይ የደረሰ የጎርፍ አደጋ ነው፡፡

ሶስተኛ የጎርፍ አደጋ የደረሰው በኮሌፌ ቀራኒዮ ክፍለ ከተማ ወረዳ ሶስት በተለምዶ ስልጤ ሰፈር ተብሎ በሚጠራው አካባቢ ላይ የደረሰው ነው፡፡
በነዚህ አደጋዎች ምክንያትም ግምቱ 1 ነጥብ 4ሚሊዮን ብር የሚገመት ንብረት ለውድመት መዳረጉን፣ የእሳት እና የአደጋ ስጋት ስራ አመራር ኮሚሽን የኮሚዩኒኬሽን ባለሙያ የሆኑት አቶ ንጋቱ ማሞ ለኢትዮ ኤፍ ኤም ተናግረዋል፡፡
እንዲሁም ስምንት ሚሊዮን ብር የሚሆን ንብርት ደግሞ ከጉዳት ማዳን ተችሏል ብለውናል፡፡

በሔኖክ ወ/ገብርኤል
ግንቦት 29 ቀን 2014 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published.