በኦጋዴን ቤዚን ሰባት ትሪሊየን ጫማ ጥልቀት ያለው የተፈጥሮ ነዳጅ ክምችት መኖሩ ተረጋገጠ፡፡

በኢትዮጵያ ደቡብ ምስራቅ ክፍል ኦጋዴን ቤዚን ያለው የተፈጥሮ ነዳጅ ክምችት ሰባት ትሪሊዮን ጫማ ጥልቀት እንዳለው በጥናት መረጋገጡን የማዕድን ሚኒስቴር ኢንጅነር ታከተ ኡማ አስታዉቀዋል፡፡

በኦጋዴን ቤዚን ያለውን ነዳጅና የተፈጥሮ ጋዝ ሀብት ክምችትና የኢኮኖሚ አዋጭነት ጥናት ለማድረግ መጋቢት 2014 ዓ.ም. ከማዕድን ሚኒስቴር ጋር ውል የገባው የአሜሪካው ኔዘርላንድ ስዌል ኤንድ አሶሲሼየትስ ኢንክ ኩባንያ የጥናቱን ሰነድ ዛሬ አርብ ነሐሴ 20፣ 2014 ዓ.ም. ለሚኒስቴሩ አስረክቧል፡፡

በኢትዮጵያ የመጀመሪያ ነው በተባለለት በዚህ ጥናት ከዚህ ቀደም ከሁለት እስከ ሶስት ትሪሊየን ጫማ ጥልቀት እንደሚኖረው ሲገመት የነበረው የኦጋዴን ቤዚን የተፈጥሮ ነዳጅ ክምችት በሁለትና ሶስት እጥፍ የጨመረ ሆኖ መገኘቱን ኢንጅነር ታከለ መናገራቸዉን ሪፖርተር ዘግቧል፡፡

“ከዚህ ቀደም የነበሩ ኩባንዎች ምን ያህል ክምችት እንዳለ አይነግሩንም ነበር” ያሉት ሚኒስትሩ አሁን የተጠናው ጥናት ግን ለክምችቱ መጠን ዓለም አቀፍ ማረጋገጫ መስጠቱን ገልጸዋል፡፡

ከዚህ ቀደም ስለክምችቱ የነበሩ ጥናቶች የኩባንያዎች እንደሆኑ አሁን በአሜሪካው ኩባንያ የተደረገው ጥናት ግን የመንግስት መሆኑን ኢንጅነር ታከለ አክለዋል፡፡

ኢትዮ ኤፍ ኤም 107.8 የኢትዮጵያዊያን
ነሐሴ 20 ቀን 2014 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published.