የንግድ ፈቃድ ለማደስ 45 ሺህ ብር ጉቦ የተቀበለ የወረዳ ንግድ ፅ/ቤት ሃላፊ በፖሊስ አባላት እጅ ከፍንጅ ተይዞ ምርመራ እየተጣራ እንደሚገኝ የአዲስ አበባ ፖሊስ አስታወቀ፡፡

መኮንን አሊ የተባለው ግለሰብ በንፋስ ስልክ ላፍቶ ክፍለ ከተማ አስተዳደር የወረዳ 2 ንግድ ፅ/ቤት ሃላፊ ሲሆን በሙስና ወንጀል ተጠርጥሮ በቁጥጥር ስር የዋለው የካቲት 30 ቀን 2015 ዓ/ም ነው፡፡

የአዲስ አበባ ፖሊስ እንዳስታወቀው አቶ ሲሳይ ገ/ፃዲቅ የተባሉት ግለሰብ የንግድ ፈቃድ ለማሳደስ ወደ ወረዳው በሄዱበት ወቅት የንግድ ፅ/ቤቱ ሃላፊ መኮንን አሊ የንግድ ፈቃዱ የዕድሳት ጊዜው ያለፈበት መሆኑን ሰበብ በማድረግ ከ1 ወር በኋላ እንደሚታደስላቸው እና ለዚህም 50 ሺህ ብር ጉቦ እንዲሰጡት ይጠይቃቸዋል፡፡

የግል ተበዳይ ግን የተጠየቁትን ገንዘብ የመክፈል አቅም እንደሌላቸው ሲነግሩት 45ሺህ ብር እንዲሰጡት ያግባባቸው ቢሆንም መብቴን በገንዘብ አልገዛም ብለው ሁኔታውን ለፖሊስ በማሳወቃቸው ተጠርጣሪው በንፋስ ስልክ ላፍቶ ክፍለ ከተማ ወረዳ 2 ልዩ ቦታው ሚካኤል ተብሎ በሚጠራው አካባቢ ብሩን ሲቀበል በክፍለ ከተማው ፖሊስ መምሪያ አባላት እጅ ከፍንጅ እንዲያዝ ማድረጋቸውን እና ምርመራ እየተጣራ እንደሚገኝ የአዲስ አበባ ፖሊስ አስታውቋል፡፡

ኢትዮ ኤፍ ኤም 107.8 የኢትዮጵያዊያን
መጋቢት 01 ቀን 2015 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *