በካቡል ሰርግ ያለሙዚቃ እንዲደረግ ታሊባን ወሰነ፡፡

በካቡል ምንም አይነት የሰርግ ዝግጅት ሲደረግ ሙዚቃ መክፈት መከልከሉን የታሊባን ባለሰልጣናት አስታውቀዋል፡፡

የሰርግ ዝግጅቶችን የሚያካሂዱ ሆቴሎችም ይህንን ህግ ተግባራዊ እንዲያደርጉ ማስጠንቀቂያ ተሰቷቸዋል፡፡

ሰርግ ወይንስ ቀብር ሲል አልጀዚራ እንዳስነበበውዘ ታሊባን በአፍጋኒስታኗ ካቡል ምንም አይነት ሙዚቃ በሰርግ ድግሶች ላይ አይኖርም ብሏል፡፡

በፈረንጆቹ 2022 ታሊባን በሰርጎች እና ህዝብ በሚበዛባቸው ቦታዎች ላይ ሙዚቃ እንዳይከፈት ምክረ ሃሳብ ያቀረበ ሲሆን፣ ግዴታ ያደረገው በዚህ ሳምንት ነው፡፡

ታሊባን ለዜጎቹ የማይመቹ ህጎችን በማውጣት አፋኝ ስርዓትን ይከተላል ሲሉ ዓለም አቀፍ የሰብአዊ መብት ድርጅቶች ቡድኑን ይተቻሉ፡፡

በቅርቡ በሴቶች የሚተዳደርን ሬዲዮ ጣቢያ እንዲቋረጥ ያደረገው ታሊባን፣ ጣቢያው ወቅቱን ያልጠበቀ ሙዚቃ ሲያስተላልፍ እንደነበር በምክንያትነት ጠቅሷል፡፡

ታሊባን በድግሶች ላይ ሙዚቃ እንዳይከፈት የከለከለው ከእስልምና አስተምሮ ጋር አይሄድም በሚል መሆኑን ዘገባው ጠቅሷል፡፡

በየውልሰው ገዝሙ

ሰኔ 06 ቀን 2015 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *