የተባበሩት አረብ ኤምሬትስ በኢትዮጵያ 2.4 ቢሊየን ዶላር ኢንቨስት ልታደርግ ነዉ፡፡

የተባበሩት አረብ ኤምሬትስ ልዩ መልዕክተኛ እና ባለሙሉ ስልጣን አምባሳደር ኦማር ሁሴን አገሪቱ በኢትዮጵያ ከ2.4 ቢሊየን ዶላር የበለጠ ገንዘብ ኢንቨስትመንት ልታደርግ ነዉ ብለዋል፡፡

አምባሳደሩ አረብ ኤምሬትስ በአሁኑ ሰዓት በኢትዮጵያ እያደረገች ያለቻቸዉን የተለያዩ ኢንቨስትመንቶች አንስተዉ ፤ የአገሪቱን የኢኮኖሚ ዕድገትን አጠናክሮ ለመቀጠል ያላትን ቁርጠኝነት ገልጸዋል፡፡

አምባሳደር ኦማር ኢትዮጵያ በማኑፋክቸሪንግ ዘርፍ ያላትን አቅም እና የአረብ አገራት የመጠቀም አቅምን በማንሳት አገሪቱ ተመራጭ የገበያ መዳረሻ ናት ብለዋል፡፡

በዱባይ በተካሄደዉ የተባበሩት መንግስታት የአየር ንብረት ለዉጥ የኮፕ28 ስብሰባ ላይ አረብ ኤምሬትስ ኢትዮጵያን በኢነርጂዉ ዘርፍ ለመደገፍ የ6መቶ ሚሊየን ዶላር ኢንቨስትመንት እንደምታደርግ ቃል ገብታ ነበር፡፡

በወቅቱ ጠቅላይ ሚኒስትር አብይ አህመድ ከአረብ ኤምሬትሱ ፕሬዝዳንት ሼክ ሞሃመድ ቢን ዛይድ ጋር በአየር ንብረት ለዉጥ ምክንያት የተጋረጡ ችግሮችን ለመፍታት የተባበረ ድጋፍ ያስፈልጋል ሲሉ መነጋገራቸዉ ይታወሳል፡፡

እስከዳር ግርማ
ጥር 27 ቀን 2016 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *