በሞቃዲሾ የሚገኘውን ወታደራዊ ካምፕ በማጥቃት አምስት የውጭ ሀገር ወታደሮችን የገደለው ወታደር የአልሸባብ ታጣቂ ቡድን የቀድሞ አባል እንደነበር ቢቢሲ አፍሪቃ ዘገቧል።
ጥቃት ፈጻሚው በሶማሊያ ብሄራዊ ጦር ወታደር ሆኖ ከመመለመሉ በፊት ከአልሸባብ መውጣቱን በርካታ ምንጮች ዘግበዋል።
በሠራዊቱ ወታደሮች ምልመላ ሂደት ላይ ጥብቅ የሆነ የኋላ ታሪክ አለመኖሩን ድርጊቱ አጋልጧል።
በጎሳ ላይ የተመሰረተ አድሎአዊነት፣ ሙስና እና አቅም ማነስ ወጣቶች ታጣቂ ቡድኑን እንዲቀላቀሉ ምክንያቶች መሆናቸውን የሶማሊያ የዜና አውታር ጋሮዌ ኦንላይን ዘግቧል።
በጄኔራል ጎርደን ወታደራዊ ካምፕ ከተገደሉት አምስት ወታደሮች መካከል አራቱ የተባበሩት አረብ ኤሚሬቶች ሲሆኑ አንደኛው የባህሬን ነው።
የካቲት 05 ቀን 2016 ዓ.ም
