በአዲስ አበባ ከተማ ባለፉት አምስት አመታት የእሳትና ሌሎች ድንገተኛ አደጋዎችን ለመቆጣጠር በአደጋ ምላሽ ዘርፉ በተሰጠ ፈጣን ምላሽ 70 ቢሊዮን 101 ሚሊዮን ብር የሚገመት ንብረት ከዉድመት ማዳን መቻሉ ኢትዮ ኤፍ ኤም ሰምቷል።
የእሳትና የአደጋ ስጋት ስራ አመራር ኮሚሽን የህዝብ ግኑኝነት ባለሙያ አቶ ንጋቱ ማሞ ለኢትዮ ኤፍ ኤም እንደተናገሩት ባለፉት አምስት አመታት በደረሱት አደጋዎች ምክንያት ህይወታቸዉ አደጋ ዉስጥ የነበሩ 165 ሰዎችንም መታደግ ተችሏል ብለዋል።
በአሁኑ ወቅት ተቋሙ አስፈላጊው ግብአትና በቴክኖሎጅ በማጠናከር የአደጋ መከላከልና መቆጣጠር አቅሙን እያሳደገ ይገኛል ብለዋል።
በመዲናው የሚከሰቱ የእሳትና ሌሎች ድንገተኛ አደጋዎችን በፍጥነት በመቆጣጠር ከተማዋ ደህንነቷ የተጠበቀ የማድረግ ስራ እየተሰራ እንደሚገኝ አቶ ንጋቱ ማሞ ለጣበያችን ተናግረዋል።
ሔኖክ ወ/ገብርኤል
መጋቢት 10 ቀን 2016 ዓ.ም
