ከመጋቢት 12/2016 ጀምሮ ተግባራዊ የሚሆን ለኮሚሽኑ አዳዲስ የአመራር ሹመቶች ተሰጡ። በበላይነት የሚመራዉ ቦርድም ተሰየመ።
አቶ ተሾመ ቶጋ በግል ጉዳያቸዉ ምክንያት በኮሚሽነርነት ላለመቀጠል ያቀረቡት ጥያቄ በመንግስት ተቀባይነት በማግኘቱ የኮሚሽነርነት ቦታቸዉን ከመጋቢት 3/2016 ጀምሮ ለቀዋል።
በምትካቸዉ ከመጋቢት 12/2016 ጀምሮ አቶ ተመስገን ጥላሁን የብሄራዊ ተሀድሶ ኮሚሽን ኮሚሽነር ሆነዉ ተሹመዋል።
የኮሚሽኑ የሎጂስቲክስ እና አስተዳደር ዘርፍ ም/ኮሚሽነር በሆኑት በዶ/ር አትንኩት መዝገበ ምትክ አቶ ተስፋዓለም ይህደጎ ከመጋቢት 12/2016 ጀምሮ ተሹመዋል ።
በተጨማሪም ኮሚሽኑን በበላይነት የሚመራ በፍትህ ሚኒስትሩ በዶ/ር ጌድዮን ጢሞቲዎስ የሚመራ እና አምስት ከፍተኛ አመራሮች አባል እንዲሁም ኮሚሽነር ፀሀፊ የሆኑበት ቦርድ ተሰይሞለታል።
ኢትዮ ኤፍ ኤም 107.8 የኢትዮጵያዊያን
መጋቢት 13 ቀን 2016 ዓ.ም
