አሰልጣኝ የርገን ክሎፕ ከሚቀጥለው ጥር ወር ጀምሮ ስራቸውን ለመጀመር ከስምምነት መድረሳቸው ተገልጿል።
የርገን ክሎፕ በቀጣይ በኦስትሪያው የሀይል ሰጪ መጠጥ አምራች ተቋም ስራ ያሉትን ክለቦች እንደሚያማክሩ ተነግሯል።
የክለቦቹን የአጨዋወት ፍልስፍና ፣ የአሰልጣኝ እና ተጨዋቾች ዝውውር እንዲሁም ሌሎች ስፖርታዊ ጉዳዮችን የርገን ክሎፕ እንደሚያማክሩ ተዘግቧል።
“ ከሀያ አምስት አመታት በኋላ አሁን የመጣሁበት ሚና ተቀይሮ ሊሆን ይችላል ነገርግን ለእግርኳስ ያለኝ ፍቅር አይቀንስም “ ሲሉ አሰልጣኝ የርገን ክሎፕ ተናግረዋል።
በቀጣይ ሬድ ቡልን በእግርኳሱ ዘርፍ ባላቸው ሚና መርዳት እንደሚፈልጉ አሰልጣኝ የርገን ክሎፕ አያይዘው ገልጸዋል።
የጀርመኑ ክለብ ሌፕዚግን ጨምሮ ሳልዝበርግ ፣ ኒውዮርክ ሬድ ቡል እንዲሁም ሌሎች ክለቦች በተቋሙ ባለቤትነት የተያያዙ ክለቦች ናቸው።
አሰልጣኝ የርገን ክሎፕ በቀጣይ የጀርመን ብሔራዊ ቡድንን የማሰልጠን እድል ካገኙ የመልቀቂያ ፍቃድ እንደሚያገኙ ተጠቁሟል።
በጋዲሳ መገርሳ
መስከረም 29 ቀን 2017 ዓ.ም
