ሲዳማ ክልል ሐዋሳ ከተማን ጨምሮ በሰባት ወረዳዎች ላይ የወባ በሽታ መከሰቱ ተገለጸ

በሲዳማ ክልል ሃዋሳ ከተማን ጨምሮ በሰባት ወረዳዎች ላይ የወባ በሽታ መከሰቱን የክልሉ የሕብረተሰብ ጤና ኢንስቲትዩት አስታወቋል።

የኢንስቲትዩቱ ዋና ዳይሬክተር ዳመነ ደባልቄ (ዶ/ር) ለኢፕድ እንደገለጹት፤ የወባ በሽታ ያለባቸውን ሰዎች ልየታ በማድረግ እና ወደ ጤና ተቋም እንዲሄዱ በማድረግ አስፈላጊውን ሕክምና እንዲያገኙ እየተደረገ ነው።

የመከላከያ ኬሚካል በሀገር ውስጥ መመረት በመቆሙ ምክንያት እጥረት መኖሩን ገልጸው በአራት ወረዳዎች ላይ ርጭት ተደርጓል ብለዋል። ተጨማሪ ኬሚካል እና አጎበሮች እንዲላክ ለጤና ሚኒስቴር ጥያቄ መቅረቡን አክለው ገልጸዋል፡፡

የዓለም ጤና ድርጅት አዲስ ባወጣው ሪፖርት እንዳስታወቀው በኢትዮጵያ ከታህሳስ 23፣ 2016 ዓ.ም ጀምሮ እስከ ጥቅምት 10 ቀን 2017 ዓ.ም ባለው ጊዜ ውስጥ ከ7.3 ሚሊዮን በላይ ሰዎች በወባ በሽታ መጠቃታቸውን እና ከእነዚህም መካከል 1,157 ሰዎች መሞታቸውን ገልጿል።

እንደ ዓለም ጤና ድርጅት መረጃ ከሆነ ወባ አሁንም አሳሳቢ የጤና ስጋት ሲሆን 75 በመቶ የሚሆነው የአገሪቱ መሬት እና 69 በመቶ የሚሆነው በነዚህ አከባቢዎች የሚኖረው ህዝብ በተለይም ህጻናት ለከፍተኛ አደጋ ተጋላጭ መሆናቸውን ጠቁሟል

ኢትዮ ኤፍ ኤም 107.8 የኢትዮጵያዊያን

ጥቅምት 25 ቀን 2017 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *