በሱዳን ባለው የእርስ በርስ ጦርነት ምክንያት የሚሞቱ ሰዎች ቁጥር ከዚህ ቀደም ከተገለጸው በእጅጉ ጨምሮ መገኘቱን ነው ቢቢሲ ይዞት የወጣው አዲስ ጥናት ያመላከተው ፡፡
ጦርነቱ ባለፈው አመት በተጀመረበት በካርቱም ግዛት ከ61,000 በላይ ሰዎች መሞታቸውን በለንደን የሚገኝ የሱዳን የምርምር ቡድን ባወጣው ሪፖርት አመላክቷል ።
ከነዚህም መካከል 26,000 ሰዎች በሁከቱ በቀጥታ ተገድለዋል ያለው ሪፓርቱ በሱዳን ባለው የእርስ በእርስ ጦርነት ከፍተኛ የሞት ቁጥር እየተመዘገበ ያለውም በበሽታና በረሃብ መሆኑን ጠቁሟል።
በሀገሪቱ በተለይም በምዕራባዊው የዳርፉር ግዛት ብዙ ሰዎች የሞቱ ሲሆን በአሰቃቂ ጭፍጨፋ እና በዘር ማጥፋት ወንጀል ሰለባ የሆኑ ዜጎችም ስለመሆናቸው መረጃው ጠቅሷል ።
በሱዳን በሺዎች የሚቆጠሩ ዜጎች ለርሃብ አደጋ ተጋልጠዋል እንደሚገኙ ቢቢሲ አፍሪቃ ዘግቧል፡፡
የተባበሩት መንግስታት ድርጅት እና ሌሎች የእርዳታ ድርጅቶች አረጋግጠናል እንዳሉት 20,000 ሰዎች በረሀብ ምክንያት ሞተዋል፡፡
ህዳር 05 ቀን 2017 ዓ.ም
