በእስራኤል እና ሄዝቦላህ የተደረሰዉ የተኩስ አቁም ስምምነት መልካም ነዉ ፤ ተመሳሳይ ስምምነት በጋዛ ይካሄዳል ብለን ተስፋ እናደርጋለን ብለዋል፡፡
በግብጽ፣ ኳታር እና ቱርክ ለሚገኙ አሸማጋዮች የተኩስ አቁም ስምምነት ለማድረግ ሃማስ ዝግጁ መሆኑን ገልጸናል፤ በተጨማሪም እስረኞችን ለመለዋወጥም ስምምነት ላይ ለመድረስ ተዘጋጅተናል ሲሉ ለኤኤፍፒ የዜና ወኪል ተናግረዋል፡፡
ትናንት ምሽት የተደረሰዉ የተኩስ አቁም ስምምነት እስራኤል፣ ሄዝቦላህን እና የሊባኖስ መንግስትን ያካተተ ነበር፡፡
እስራኤል እና ሄዝቦላህ ካለፈዉ ዓመት ጥቅምት 8 ጀምሮ በየዕለቱ በሚባል ደረጃ ተኩስ ሲለዋወጡ ቆይተዋል፡፡ ሄዝቦላህ የፍልስጤሙን ሃማስን በመደገፍ እስራኤል ላይ በተደጋጋሚ ሮኬቶችንም ሲያስወነጭፍ ቆይቷል፡፡
በጋዛ በሃማስ እና እስራኤል መካከል የሚደረግ የተኩስ አቁም ስምምነት እና የታጋቾች ልዉዉጥ ለወራቶች የተዘጋ ጉዳይ ሆኖ ቆይቷል፡፡
ኳታር በእስራኤል እና ሃማስ መካከል ስታደርግ የነበረዉን ማሸማገል ማቆሟን ገልጻ፤ሃማስ እና እስራኤል ፍቃደኝነታቸዉን ካሳዩ ግን የማሸማገል ስራዋን እንደምትቀጥል አስታዉቃለች፡፡
እሰከዳር ግርማ
ኀዳር 18 ቀን 2017 ዓ.ም
