በምስራቅ ኡጋንዳ ከባድ ዝናብ በመጣሉ 13 ሰዎች ህይወታቸዉ እንዳለፈና ከ 40 የማያንሱ ቤቶች በጎርፍ መወሰዳቸዉ ተገልጿል፡፡
የኡጋንዳ ቀይ መስቀል ማህበር በጎርፉ 13 ሰዎች መሞታቸው ገልጾ፤ የሟቾች ቁጥር ወደ 30 ከፍ ሊል እንደሚችል አስታዉቋል፡፡
የዩጋንዳ ቀይ መስቀል ማህበር በኤክስ ገጹ ላይ የነፍስ አድን ስራ እየተሰራ መሆኑንም ገልጿል።
በአብዛኞቹ የተገኙት አስከሬኖች ህጻናት እንደሆኑና ቁጥራቸዉ የማይታወቅ ሰዎች እስካሁን የደረሱበት አልታወቀም ብሏል።
ባለፉት ጥቂት ቀናት በጣለው ከባድ ዝናብ ትምህርት ቤቶች፣ አብያተ ክርስቲያናት እና ድልድዮች መዉደማቸዉንና ብዙ ህዝብም ከመኖሪያ ቀየዉ እንደተሰደደ ቢቢሲ ዘግቧል፡፡
ሊዲያ ደሳለኝ
ኀዳር 19 ቀን 2017 ዓ.ም
