ከ17 ሺህ በላይ ቆጣሪዎች በትክክል እንደማይሰሩ በምርመራ ተገኝቷል ተባለ

የኢትዮጵያ ኤሌክትሪክ አገልግሎት በባለፉት አስር ወራት ባደረገዉ የቆጣሪ ምርመራ 17 ሺህ 947 ቆጣሪዎች በትክክል የማይሰሩ ሆኖ ማግኘቱን ገልጿል።

አገልግሎቱ ባደረገዉ 57 ሺህ 9 መቶ 4 የቆጣሪ ምርመራ ይህንን ማግኘቱን አስታዉቋል።

ከዚህም ዉስጥ የተቃጠሉ እና የቆሙ ቆጣሪዎችን በምርመራዉ እንዳገኘ ተናግሯል።

በምርመራዉ የተገኙ ቆጣሪዎችን በወቅቱ እንዲቀየሩ በማድረግ ከ 5 መቶ ሚሊየን ብር በላይ የተገመተ 446 ጊ.ዋ ሀይል ማድን መቻሉን ነዉ የተገለፀዉ

ያልተፈቀደ የሀይል ጭነት የሚጠቀሙትን ከመቆጣጠር እና ከቆጣሪ ልኬት ዉጪ የተገጠመን አዉቶማቲክ ፊዩዘር በመቀየር 28 ጊዋ ሀይል ከብክነት መዳኑ ተገልፆል።

ተቋሙ የኃይል ብክነትን ለመከላከል የፓወር ፋክተራቸው ከ0.75 በታች የሆኑ፣ በ0.75 እና 0.9 መካከል የሆኑ 12 ሺህ 172 ደንበኞች ለይቷል ተብሏል፡፡

ገቢ ደረሰኝ የሌላቸው፤ ገቢ ደረሰኝ እያላቸው ቢል የማይዎጣላቸው፤ቢል እየወጣላቸው ግን ቆጣሪቸው ሳይት የሌላቸዉ ደንበኞች ላይ የምርመራ ስራ ማድረጉ ተገልፆል።

የኢትዮጵያ ኤሌክትሪክ አገልግሎት በአስር ወራት ዉስጥ በነበረዉ ምርመራ 1 ሺህ 56 ጊዋሰ ኃይል ከብክነት ድኗል ብሏል።

ቁምነገር አየለ

ሰኔ 3 ቀን 2017 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *