የኢራን ጠቅላይ መሪ አያቶላ አሊ ኻሜኒ መግለጫ እየሰጡ ይገኛል፡፡
በመግለጫቸዉማንኛውም አይነት የአሜሪካ ወታደራዊ ጣልቃገብነት ሊስተካከል የማይችል ጉዳት እንደሚከተለዉ ጥርጥር የለውም ብለዋል።
የበላይ መሪዉ ኢራናውያን እጃቸውን የሚሰጡ አይደሉም ሲሉም ተደምጠዋል፡፡
ኢራንን እንዲሁም ህዝቦቿን እና ታሪኳን የሚያውቁ ብልሆች ይህንን ህዝብ በእንደዚህ ዓይነት የዛቻ ቋንቋ በጭራሽ አይናገሩም ምክንያቱም ኢራናውያን እጃቸውን የሚሰጡ ስላልሆኑ ብለዋል፡፡
እናም አሜሪካኖች ማንኛውም የአሜሪካ ወታደራዊ ጣልቃገብነት የማይጠገኑ መዘዞችን ይዞ እንደሚመጣ ማወቅ አለባቸዉ ሲሉ አስጠንቅቀዋል፡፡
የኢራን ጠቅላይ መሪ አሊ ኻሜኒ አሁን የሰጡትን መግለጫ በታሲም የዜና አገልግሎት ቴሌቭዥን እየተላለፈ መሆኑን ቢቢሲ ዘግቧል፡፡
እስከዳር ግርማ
ሰኔ 11 ቀን 2017 ዓ.ም
