አዋሽ ባንክ በተጠናቀቀው በጀት ዓመት 22 ነጥብ 7 ቢሊየን ብር ትርፍ ማግኘቱን አስታወቀ

ባንኩ በተጠናቀቀው በጀት ዓመት ከታክስ በፊት 22 ነጥብ 7 ቢሊዮን ብር ትርፍ ማግኘቱን አስታወቋል።

ባንኩ የ2024/2025 እ.ኤ.አ የሂሳብ አመት የሥራ አፈጻጸምን አስመልክቶ ለመገናኛ ብዙሃን መግለጫ ሰጥቷል።

በመግለጫዉም የባንኩ ዋና ሥራ አስፈፃሚ አቶ ፀሐይ ሽፈራው በጀት አመቱ መጠናቀቁን ተከትሎ አዋሽ ባንክ 22 ነጥብ 7 ቢሊዮን ብር ከታከስ በፊት ትርፍ ማግኘቱን ገልጸዋል፡፡

ዋና ስራ አስፈጻሚዉ በበጀት ዓመቱ 2 ነጥብ 1 ቢሊዮን ዶላር የውጭ ምንዛሬ መሰብሰብ መቻሉንም ነዉ ያብራሩት።

ባንኩ በበጀት አመቱ የ106 ቢሊየን ብር የተቀማጭ ገንዘብ መሰብሰቡ የተነሳ ሲሆን ይህም ከአምናዉ ጋር ሲነጻጸር የ42በመቶ እድገት እንዳለዉም ተመላክቷል።

የቅርንጫፎቹ ብዛት ደግሞ 989 መድረሱን ዋና ስራ አስፈጻሚው አመላክተዋል።

በበጀት አመቱ ባንኩ 52 አዳዲስ ቅርንጫፎችን እንዲሁም ከ3ሚሊየን በላይ አዳዲስ ደንበኞችንም አፍርቻለዉ ብሏል።

ለአለም አሰፋ

ሰኔ 24 ቀን 2017 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *