የቄራዎች ድርጅት የሚሰጠውን አገልግሎት ለማግኘት የሄዱ ተገልጋዮችን ገንዘብ የጠየቁ ሁለት ተጠርጣሪ አመራሮች በቁጥጥር ስር መዋላቸውን የአዲስ አበባ ከንቲባ ጽ/ቤት አስታወቀ፡፡
የከተማዋ ከንቲባ ጽ/ቤት በማህበራዊ ትስስር ገጹ እንዳስነበበው 1ኛ የድርጅቱ ዋና ዳይሬክተር አቶ ሰይድ እንድሪስ ከማል እና 2ኛ ምክትላቸው አቶ ዮሴፍ ድሪብሳ ማሞ ገንዘብ ካላመጣችሁ አገልግሎት አታገኙም በማለት ፤ እንግልት ሲፈጠሩ ቆይተው በደረሰ ጥቆማ በትላንትናው ዕለት ከተገልጋይ ጉቦ ሲቀበሉ እጅ ከፍንጅ ተይዘው በቁጥጥር ስር ውለዋል፡፡
ሕብረተሰቡ እንዲህ አይነት የሙስና ተግባራትን ሲመለከት ለከንቲባ ጽ/ቤት ጥቁማ እንዲሰጥም ጥሪ አቅርቧል፡፡
ነሐሴ 20/2017 ዓ.ም
