የአሜሪካ ከፍተኛ የጦር ጀነራል ማርክ ሜሊ ፣ ፕሬዝዳንት ትራንፕን ነጩ ቤተ መንግስት አካባቢ በነበረ ሰላማዊ ተቃውሞ ወታደራዊ እጀባ በማድረጋቸው እንደተጸጸቱ ተናግረዋል ።
ሲ ኤን ኤን እንደዘገበው ፣ ጀነራሉ የጆርጅ ፍሎይድ ግድያ ፣ በክፍለ ዘመኑ በአፍሪካን አሜሪካን ላይ የተፈጸመ ኢ ፍትህዊ ድርጊት ነው ብለዋል ።
በዚህ ፍትህ መጓደል በተቀሰቀሰው ሰላማዊ ተቃዉሞ በርካታ ዜጎች ያለምን ጥፋት ሰላማዊ ተቃውሞ ማካሄዳቸው የሚኮራ መሆኑን ጀነራል ማርክ ተናግረዋል ።
በአሜሪካን ጦር ውስጥ በከፈተኛ የስልጣን እርክን ላይ ያሉ አፍሪካን አሜሪካን 7 በመቶ ብቻ ነው ቀጣይ ይህም መስተካከል አለበት ብለዋል ጀነራሉ።
የፌደራል ጦሩም በአሜሪካን ጎዳናዎች ላይ እዲሰፍር መደረጉ ተገቢ አደለም ፣ እኔም ፕሬዚደንቱን ወደ ቤተ መቅደስ ሲጓዙ መሸኝቴ ተገቢ አይደለም ብለዋል ።
ውድ አድማጮቻችን እና ተከታዮቻችን የኢትዮ ኤፍ ኤም ስርጭቶችን፣ዜናዎችን እና ሌሎች ዝግጅቶችን ለመከታተል የቴሌግራም ቻናላችንን ይቀላቀሉ። https://t.me/ethiofm107dot8
በዳንኤል መላኩ
ሰኔ 5 ቀን 2012 ዓ.ም
