አሶሼትድ ፕሬስ የዜና ወኪል እንደዘገበው፤ ፓኪስታን የተኩስ አቁም ስምምነቱ ከማብቃቱ በፊት በሚቀጥሉት ቀናት ውስጥ የአሜሪካ እና የኢራን ሁለተኛ ዙር ድርድር በኢስላማባድ እንዲካሄድ ሀሳብ አቅርባለች።
የዜና ወኪሉ ስማቸው እንዲገለጽ ያልፈለጉ ሁለት የፓኪስታን ባለስልጣናትን ጠቅሶ እንደዘገበው፤ የቀረበው ሀሳብ ተግባራዊ የሚሆነው ተደራዳሪ ወገኖቹ ሌላ የተለየ ቦታ እንዲሆን ካልጠየቁ ብቻ ነው።
አንደኛው ባለሥልጣን እንደገለጹት፤ የመጀመሪያዎቹ ድርድሮች ያለ ስምምነት ቢጠናቀቁም፣ በአንድ ጊዜ ብቻ የሚያበቁ ጥረቶች ሳይሆኑ ቀጣይነት ያለው ዲፕሎማሲያዊ ሂደት አካል ናቸው።
አሶሼትድ ፕሬስ የአሜሪካ ባለስልጣናትን ጠቅሶ እንደዘገበው፤ አዲሱ የአሜሪካ እና የኢራን ድርድር በመጪው ሐሙስ ሊካሄድ ይችላል።
እስከዳር ግርማ
ሚያዚያ 06/2018 ዓ.ም
