በአሜሪካ አብዛኛዎቹ በሀገሪቱ የሚገኙ ትምህርት ቤቶች ከሰሞኑ ተማሪዎችን ተቀብለው መደበኛ ትምህርት ጀምረው ነበር፡፡
ይህንንም ተከትሎ በአምስት የሀገሪቱ ግዛቶች ውስጥ ቁጥራቸው 2 ሺህ የሚጠጋ ተማሪዎች እንዲሁም መምህራን በለይቶ ማቆያ እንዲቆዩ መደረጋቸውን ነው የተነገረው፡፡
ተማሪዎቹና መምህራኑ ለይቶ ማቆያ እንዲቀመጡ የተደረጉት 230 የሚጠጉ ተማሪዎች የኮሮና ቫይረስ ከተገኝባቸው በኃላ ነው፡፡
ከነዚህ መካከል 1 ሺህ 100 የሚሆኑት ጆርጂያ ተብሎ በሚጠራው ትምህርት ቤት ሲሆን ከዚሁ ትምህርት ቤት 59 ተማሪዎች ቫይረሱ እንደተገኝባቸው ነው የተጠቀሰው፡፡
አሜሪካ ከሁለት ሳምንት በፊት ነበር ተማሪዎች ወደ ትምህርት ገበታቸው እንዲመለሱ ውሳኔ ያሳለፈችው፡፡
ዶናልድ ትራምፕ ተማሪዎች እርቀታቸውን እየጠበቁ መደበኛ ትምህርታቸውን እንዲጀምሩ ትዕዛዝ ሲያስተላልፉ በርካቶች የፕሬዝዳንቱን ውሳኔ ተቃውመውት ነበር፡፡
የሀገሪቱ የጤና ሚኒስቴርም ጭምር የፕሬዝዳንቱ ውሳኔ ትክክለኛ እንዳልሆ ተናግረውም ነበር፡፡
ተማሪዎቹ በቫይረሱ የመያዛቸው ወሬ እንደተሰማም ወላጆች በፕሬዝዳንቱ ላይ ትችት እየሰነዘሩ ይገኛሉ ሲሉ ሲኤንኤን ዘግቧል፡፡
በሔኖክ ወ/ገብርኤል
ነሀሴ 8 ቀን 2012 ዓ.ም
