በኢትዮጵያ የወጣቶች በኤች.አይ.ቪ ቫይረስ እንደ አዲስ የመያዝ ምጣኔ አሁንም ከፍተኛ ስጋት ሆኖ መቀጠሉን
በጤና ሚኒስቴር የኤች.አይ.ቪ ኤድስ መከላከል እና መቆጣጠር መሪ ስራ አስፈጻሚ ዶክተር ፍቃዱ ያደታ ተናግረዋል፡፡
ዶክተር ፍቃዱ እንደገለጹት፤ ወጣቶች የኤች.አይ.ቪ ቫይረስን በተመለከተ ግንዛቤው ቢኖራቸውም ከቅርብ ጊዜ ወዲህ ግን በወጣቶች ላይ የመዘናጋት ድርጊቶች እየተበራከቱ እንደሚገኙ ጠቁመዋል፡፡
ይህም የሚያሳየው ሁሉም የማህበረሰብ ክፍል በሀገሪቷ ያለው የወጣቶች በኤች.አይ.ቪ ቫይረስ እንደ አዲስ የመያዝ ምጣኔ አለመቀነስ ሊያሳስበው እና ትኩረት ሊሰጠው የሚገባ ጉዳይ መሆኑን ነው ብለዋል፡፡
በመሆኑም እየተስተዋሉ ያሉ መዘናጋቶችን ለመቅረፍ ለወጣቶች የግንዛቤ ማስጨበጫ ስራዎች ዳግም ተጠናክረው ሊቀጥሉ ይገባል፤ ይህ ካልሆነ ግን ቫይረሱ እንደ ወረርሽኝ የማይከሰትበት ምንም ምክንያት የለም ብለዋል፡፡
በእሌኒ ግዛቸው
ታህሳስ 04 ቀን 2016 ዓ.ም
