ኤክስፖዉን ያዘጋጀዉ የአርኪ ኤቨንት ኦርጋናይዘር ዋና ስራ አስኪያጅ አቶ ቢንያም ግርማ በሰጡት መግለጫ በተዘጋጀው አርኪ ሆምስ ኤክስፖ ከ 70 በላይ ድርጅቶች ተሳታፊ ይሆናሉ ብለዋል፡፡
ከ የካቲት 15 እስከ የካቲት 17 ለሶስት ቀናት በሚኒሊየም አዳራሽ በሚካሄደዉ ኤክስፖ ላይ እስከ 10 ሺህ ሰው እንደሚጠበቅም ተነግሯል፡፡
በኤክስፖዉ የሚሳተፉ ድርጅቶች የህብረተሰቡን አቅም ታሳቢ በማድረግ ታላቅ ቅናሽ ያደረጉ መሆናቸዉንም አቶ ቢንያም አስታዉቀዋል፡፡
የኤክስፖዉ አላማ ሁሉንም በአንድ ቦታ በማካተት ቤት መግዛት የሚፈልገውን ሰው ድካም ለማቅለል እንደሆነም ስራ አስኪያጁ ተናግረዋል።
ከተሳታፊዎቹ መካከልም ባንኮች፤ ቤት አልሚ ድርጅቶች ፤የፈርኒቸር አምራችና ቴክኖሎጂ አቅራቢ ድርጅቶች ይገኙበታል ተብሏል፡፡
“ሳያዩ ቤት እንዳይገዙ ” በሚል መሪ ቃል የሚካሄደዉ የዘንድሮዉ ኤክስፖም ለሁለተኛ ጊዜ መሆኑን ከአዘጋጁ ሰምተናል፡፡
በልዑል ወልዴ
ጥር 24 ቀን 2016 ዓ.ም
