ከኢትዮጵያ መድሃኒት አቅራቢ አገልግሎት የሚደርሰዉ የኤች አይ ቪ መድሃኒት መቆራረጥ እንዳለዉ የኦሮሚያ ጤና ቢሮ ገለጸ፡፡

ከኢትዮጵያ መድሃኒት አቅራቢ አገልግሎት የሚደርሰዉ የኤች አይ ቪ መድሃኒት አልፎ አልፎ መቆራረጥ እንዳለው የኦሮሚያ ጤና ቢሮ አስታውቋል።

ከጣቢያችን ጋር ቆይታ ያደረጉት የክልሉ ጤና ቢሮ ምክትል ሃላፊ ዶ/ር ጉሻ በለኮ የኤች አይ ቪ መድሃኒት አቅርቦት ‹‹ከሞላ ጎደል ጥሩ ነዉ››ያሉ ሲሆን፤ አልፎ አልፎ የመድሃኒት መቆራረጥ ይከሰታል ብለዉናል፡፡

‹‹ኤች አይ ቪ በጣም ሴንሴቲቭ ነገር ነዉ›› ያሉት ሃላፊዉ ፤ መድሃኒቱን ለሁለት ቀናት እንኳን ማቋረጥ ምን ያህል ዋጋ እንደሚያስከፍል የሚታወቅ ነዉ ብለዋል፡፡

በ2015 የመጀመሪያዉ ግማሽ ዓመት የመድሃኒት አቅርቦት መቆራረጥ አስቸጋሪ ሆኖ ነበር ያሉት ዶ/ር ጉሻ ፤በዚህኛዉ ዓመት ግን ብዙም ችግር እንዳልነበር ነው የገለፁት፡፡

የመድኃኒት መቆራረጡ አገር ውስጥ ባለው የተለያየ ችግር ምክንያት የተፈጠረ መሆኑን የገለፁት ዶ/ር ጉሻ ፤ ይህን ችግር ለመፍታት ከጤና ሚኒስቴር እና መድኃኒት አቅራቢ አገለግሎት ጋር እየሰራን ነው ብለዋል።

በኦሮሚያ ክልል ወደ 158ሺህ ሰዎች የኤች አይ ቪ ቫይረስ በደማቸዉ ዉስጥ አለ ተብሎ እንደሚገመት ነግረውናል።

ባለፉት 6 ወራትም 7ሺህ አዳዲስ ሰዎች በኤች አይ ቪ መያዛቸዉን ገልፀዋል።

በእስከዳር ግርማ

የካቲት 01 ቀን 2016 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *