በአማኑኤል የአእምሮ ስፔሻላይዝድ ሆስፒታል የአእምሮ ህክምና ስፔሻሊስት አስራት ጫካ ለኢትዮ ኤፍ ኤም እንደተናገሩት በኢትዮጵያ እየታየ ያለው የሰላም እጦትና የስራ አጥነት ቁጥር መጨመር በከፍተኛ ሁኔታ እየተስፋፋ ለመጣው የሱስ ተጠቂዎች ቁጥር ምክንያት እንደሆነ ተናግረዋል ፡፡
የህክምና ባለሙያው በኢትዮጵያ የሚስተዋለው የፖለቲካ አለመረጋጋት ለሚሊዮኖች መፈናቀል እና ሞት ምክንያት ሲሆን፣ ቁጥራቸው የማይገመት ህጻናትንም ቤተሰብ አልባ አድርጓልም ብለዋል፡፡
ጦርነት፣ የፖለቲካ አለመረጋጋት፣ መፈናቀልና ድርቅ ለሱስ አጋላጭነት ቀላል የማይባል ሚና እንደሚጫወቱ ጥናቶች ያሳያሉ ብለዋል ።
በኢትዮጵያ ከ 5.5 ሚሊየን በላይ ህጻናት ወላጅ አልባ እንደሆኑ የዩኒሴፍ ሪፖርት ያመላክታል ።
ይህም ህጻናቱን ለሱስ የሚኖራቸውን ተጋላጭነት ከፍ እንደሚያደርገው ታውቋል።
ለአለም አሰፋ
የካቲት 05 ቀን 2016 ዓ.ም
