ኤፍ ዚ ማርኬቲንግ እና ኮምኒኬሽን ለሶስት ቀናት የሚቆይ አፍሮ ኤዥያ አለም አቀፍ የጤና ኤክስፖ በአዲስ አበባ ኤግዚቢሽን ማዕከል ከግንቦት 9-11ቀን 2016 ዓ.ም ይካሄዳል ብሏል፡፡
ከ30 ሺ በላይ ለሚሆኑ ጎብኚዎች ነፃ የጤና ምርመራ እና የምክር አገልግሎቶችን እንደሚሰጥ ታዉቋል፡፡
ለኤክስፓው አፍሮ -ኤዥያ የሚለው ስም መመረጡ ኢትዮጵያ ከአፍሪካም ሆነ ከኤዥያ ጋር ያላትን ጂኦግራፊያዊ ፣ ታሪካዊ እና ባህልዊ ትስስር ያለንን እውቅና ስለሚያሳይ መሆኑ ተነግሯል።
ስያሜው አፍሪካን እስያ ላይ አፅንኦት ቢሰጥም ኤክስፓው አለማቀፋዊ ነዉ ተብሏል፡፡
ኤክስፓው ከሀገራችን እና ከተለያዮ የአለማችን ሀገሮች የተውጣጡ ከ400 በላይ የጤና ተቋማትን ፣ የኢንዱስትሪ ባለሙያዎችን ባለድርሻ አካላት የሚሳትፍ ነ፡፡
እውቀት ለመለዋወጥ ፣ትብብርን ለማጎልበት እና የላቀ የጤና አጠቃቀም መፍትሄዎችን ለማሳየት በርካታ ነፃ ምርመራዎችን ለማህበረሰባችን ለመስጠት ያለመ መሆኑ ታወቋል፡፡
ኤፍ ዚ ማርኬቲንግ እና ኮምኒኬሽንስ ኃ. የተ. የግ. ማ በኢትዮጵያ የግብይት እና የኮምኒኬሽን ዘርፍ ከአስር አመት በላይ ያስቆጠረ ድርጅት መሆኑንም ሰምተናል፡፡
ሐመረ ፍሬው
ሚያዚያ 14 ቀን 2016 ዓ.ም
