አይቮሪ ኮስት የፈረንሳይ ወታደሮች ከሀገሯ እንደሚወጡ አስታወቀች

የቀድሞ ቅኝ ገዥዋ ፈረንሳይ በምዕራብ አፍሪካ ያላት ተፅዕኖ እየቀነሰ በመጣበት ወቅት አይቮሪ ኮስት የፈረንሳይ ወታደሮች ከሀገሯ እንደሚወጡ አስታውቃለች።

የአይቮሪ ኮስት ፕሬዝደንት አላሳኔ ኡዋታራ አዲሱን የፈረንጆቹ ዓመት ምክንያት በማድረግ ባሰሙት ንግግር ነው ይህን ያስታወቁት።

የሀገራቸው መከላከያ ሠራዊት መዘመኑን እና መጠናከሩን የጠቀሱተ ፕሬዝደንቱ የፈረንሳይ ወታደሮች እንደሚወጡ ገልፀዋል።

በተያያዘ ዜና ፈረንሳይ ወታደራዊ ካምፖቿን እንደምትዘጋ ያስታወቀችው ሴኔጋል ወታደሮች በአዲሱ የፈረንጆቹ ዓመት መገባደጃ እንደሚወጡ ገልፃለች።

አይቮሪ ኮስት በምዕራብ አፍሪካ ትልቁ የፈረንሳይ ተጠባባቂ ጦር ያላት ሀገር ናት።

በአይቮሪ ኮስት 600 ገደማ የፈረንሳይ ወታደሮች አሉ። በሴኔጋል የሚገኙት የፈረንሳይ ወታደሮች ቁጥር 350 ነው።

“በጋራ ውሳኔ ላይ በደረስነው መሠረት የፈረንሳይ ወታደሮች አይቮሪ ኮስትን ለቀው ይወጣሉ” ሲሉ ፕሬዝደንት ኡዋታራ ተናግረዋል።

በፈረንሳይ ወታደሮች የሚመራው ፖርት ቦዌት ወታደራዊ ካምፕ ለአይቮሪ ኮስት ወታደሮች ተላልፎ እንደሚሰጥም አስታውቀዋል እንደ ቢቢሲ አፍሪቃ ዘገባ።

በአውሮፓውያኑ በ1960ዎቹ በምዕራብ አፍሪካ የነበራት የቅኝ ግዛት የተገባደደው ፈረንሳይ ወታደሮቿን ከማሊ፣ ቡርኪና ፋሶ እና ኒጀር አስወጥታለች።

በሶስቱ ሀገራት በተካሄደው መፈንቅለ-መንግሥት ምክንያት ነው የፈረንሳይ ወታደሮች ለመውጣት የተገደዱት። አልፎም በምዕራብ አፍሪካ ፀረ-ፈረንሳይ የሆነ አስተሳሰብ እየተንሰራፋ መጥቷል።

ታኀሣሦ 23 ቀን 2017 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *