ከ70 በላይ ደሴቶች ላሉት የንጋት ሐይቅ ማስተር ፕላን ዝግጅት እየተደረገ መሆኑ ተገለፀ

ከ74 ቢሊየን ሜትሪክ ኪዩብ በላይ ውሃ የያዘው እና ከ70 በላይ ደሴቶች ያሉት ንጋት ሐይቅ ረዥም ጊዜ ሳይበላሽና በደለል ሳይሞላ እንዲቆይ የተቀናጀ ማስተር ፕላን እንደሚያስፈልግ የውሃና ኢነርጂ ሚኒስቴር ገልጿል።

ይህ የተገለፀው የውሃ እና ኢነርጂ ሚኒስቴር የንጋት ሐይቅ ረቂቅ ማስተር ፕላን ላይ ከባለድርሻ አካላት ጋር በቢሾፍቱ ከተማ የውይይት መድረክ ባካሄደበት ወቅት ነው።

በሕዳሴ ግድብ ላይ የተፈጠረው ንጋት ሰው ሰራሽ ሐይቅ ለኢትዮጵያ ሰፊ በረከት ይዞ መጥቷል ሲሉ የውሃና ኢነርጂ ሚኒስትር ዶ/ር ኢንጂነር ሃብታሙ ኢተፋ ተናግረዋል።

በተጨማሪም የሱዳንን ሪዞሬ ሐይቅና የኢትዮጵያን ንጋት ሐይቅ በልማት እናገናኛለን ያሉ ሲሆን፤ የጥቅም ግጭት ሳይፈጠር ሱዳንን ተጠቃሚ ለማድረግ ይሰራል ብለዋል።

በግድቡ ላይ የተፈጠረው በአፍሪካ 4ኛው ግዙፉ የንጋት ሐይቅ፥ለሀገራዊ ኢኮኖሚ ዕድገት ከፍተኛ አስተዋጽኦ እንደሚኖረው አንስተዋል።

በሐይቁ ላይ የሚሰሩ የልማት ስራዎች የተደራጁ መሆን እንደሚገባቸው የገለፁት ኢንጅነር ሀብታሙ፤ ለዓሳ ሀብት ልማት፣ ትራንስፖርት እና ቱሪዝምን ጨምሮ ለዜጎች ሰፊ የስራ ዕድል የመፍጠር አቅም ያለው መሆኑን ጠቅሰዋል።

አቤል እስጢፋኖስ

ጥቅምት 05/2018 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *