ለፋይዳ ዲጂታል መታወቂያ ከተመዘገቡ 29 ሚሊየን ዜጎች ውስጥ መታወቂያውን የወሰዱት 7 ሚሊየን ብቻ ናቸው ተባለ

የፋይዳ ብሄራዊ መታወቂያን ለማውጣት ከተመዘገቡ 29 ሚሊየን ዜጎች ውስጥ መታወቂያውን የወሰዱት ከ7 ሚሊየን እንደማይበልጡ የኢትዮጵያ ብሄራዊ መታወቂያ ፕሮግራም አስታውቋል፡፡

ተቋሙ ይሄን ያስታወቀውከኢንፎርሜሽን መረብ ደህንነት አስተዳደር ጋር በጋራ በዲጂታል መታወቂያ ላይ አለ ያሉትን የማንነት መረጃ ስርቆት መጠበቅ የሚያስችል የዲጂታል ምስክር ወረቀት አገልግሎት የተመለከተ መግለጫ በጋራ በሰጡበት መርሃ ግብር ላይ ነው፡፡

የኢንፎርሜሽን መረብ ደህንነት አስተዳደር በዲጂታል መታወቂያ ላይ ያለውን የማንነት መረጃ መጠበቅ የሚያስችል አገልግሎትን በይፋ አስጀምሯል፡፡

አገልግሎቱ በይፋ ስራ መጀመሩን ተከትሎ መግለጫ የሰጡት የኢንፎርሜሽን መረብ ደህንነት አስተዳደር ዋና ዳይሬክተር ትዕግስት ሀሚድ፤የፋይዳ መታወቂያ ሰርተፍኬት አገልግሎት፣ጤና፣ ትምህርት እንዲሁም ባንክን ጨምሮ ሌሎች አገልግሎቶችን ለዜጎች ለማቅረብ ሁነኛ መንገድ ነው ብለዋል፡፡

ዋና ዳይሪክተሯ፤ በተጨማሪም ከዚህ በኋላ ለፋይዳ መታወቂያ የሚመዘገቡ ዜጎች የዲጂታል መታወቂያ የምስክር ወረቀት አገልግሎት እንደሚሰጣቸው ተናግረዋል፡፡

የብሄራዊ መታወቂያ ፕሮግራም ዋና ዳይሬክተር ዮዳሄ አርዓያስላሴ በበኩላቸው፤ እስካሁን ድረስ በኢትዮጵያ 29 ሚሊየን ዜጎች የፋይዳ ብሄራዊ መታወቂያን ለማውጣት መመዝገባቸውን የጠቀሱ ሲሆን፤ ከዚህ ውስጥ የፋይዳ መታወቂያ የወሰዱት ግማሽ እንኳን እንደማይሞሉ አስታውቀዋል፡፡

አቤል እስጢፋኖስ

ታህሳስ 02/2018 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *