ታላቁ የረመዷን ጾም ጨረቃ ነገ ማክሰኞ ከታየች ረቡዕ ጨረቃ ካልታየች ደግሞ ሐሙስ የካቲት 12 ይጀምራል።

ታላቁን የረመዳን ወር ምክንያት በማድረግ የኢትዮጵያ እስልምና ጉዳዮች ጠቅላይ ምክር ቤት ፕሬዚዳንት ሸይኽ ሐጂ ኢብራሂም ቱፋ መልዕክት አስተላልፈዋል።

ረመዳን ከአምስቱ የእስልምና ማዕዘናት አንዱ በመሆኑ ሁሉም ሕዝበ ሙስሊም እንዲፆም በአላህ የታዘዘ ወር ነው ብለዋል።

ረመዳን የአንድነትና የመተሳሰብ ወር መሆኑን ገልጸው÷ የይቅርታ፣ የእዝነት እና የማህበራዊ ትስስር ጊዜ በመሆኑ ሁሉም የእምነቱ ተከታዮች ከበጎ ስራዎች ጋር እንዲገናኙ አስገንዝበዋል።

አቅመ ደካሞችን በመርዳት፣ ማዕድን በማካፈል፣ በመተሳሰብና አላህን በመለመን ወሩን ማሳለፍ እንደሚገባ ተናግረዋል።

ረመዳን የሰላም ወር በመሆኑ ሁሉም ከግጭት እና ከፀብ በመራቅ እንዲያሳልፍ ገልጸው÷ መንፈሳዊ ልዕልና የሚኖረው ሰላም ሲኖር በመሆኑ ለሀገራችን ሰላም እና ለሕዝባችን ደኅንነት ዱዐ ልናደርግ ይገባል ብለዋል።።

የረመዳን ጾም ጨረቃ በሒጅራ አቆጣጠር ሻዕባን 29 ማክሰኞ ቀን ከታየች ረቡዕ ካልታየች ደግሞ ሐሙስ የካቲት 12 ቀን 2018 ዓ.ም ይሆናል፡፡

የካቲት 09/2018 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *