የአሜሪካው ፕሬዝዳንት ዶናልድ ትራምፕ ከሌሴቶ በሚገቡ ምርቶች ላይ የ50% ቀረጥ ጥለዋል።
ትንሿ ደቡብ አፍሪካዊት ሀገር ከአሜሪካ ጋር ባብዛኛው በአልማዝ እና በጨርቃጨርቅ፣ ጂንስን ጨምሮ ትልቅ የንግድ ልውውጥ አላት።
ትራምፕ በሁሉም ሀገራት ወደ አሜሪካ በሚያስገቡት ምርቶች ላይ ዝቅተኛው 10% የሆነ ታሪፍ ጥለዋል፡፡
በአፍሪካ በደርዘን ለሚቆጠሩ ሀገራት ከፍተኛ የተባለ ታሪፍ ይፋ አድርገዋል፡፡
ማዳጋስካር 47%፣ ሞሪሸስ 40%፣ ቦትስዋና 37% እና ደቡብ አፍሪካ 30% ታሪፍ የተጣለባቸው ሌሎች የአፍሪካ ሀገራት ናቸው።
የናይጄሪያ ወደ ውጭ የሚላኩ ምርቶችም ላይ 14% ተጥሏል፡፡
ኬንያ፣ ጋና፣ ኢትዮጵያ፣ ታንዛኒያ፣ ኡጋንዳ፣ ሴኔጋል እና ላይቤሪያ ወደ አሜሪካ የሚላኩ ምርቶች በ10 በመቶ የመነሻ ታሪፍ ከተጣለባቸው ሀገራት መካከል ይገኙበታል ሲል ቢቢሲ አፍሪካ ዘግቧል።
መጋቢት 25 ቀን 2017 ዓ.ም
