ኢሰመኮ በጋምቤላ ክልል ስደተኞች የጸጥታ እና ደኅንነት ሥጋት እንዳለባቸው ገለፀ።

በጋምቤላ ክልል ከ395,000 በላይ ስደተኞችና ጥገኝነት ጠያቂዎች በ7 የስደተኞች መጠለያ ጣቢያዎች ውስጥ ተጠልለው እንደሚገኙ ተገልፆል።

ኢሰመኮ በጋምቤላ ክልል የሚገኙ ስደተኞችን በሚመለከት የሰብአዊ መብቶች ክትትል እና ውትወታን ሲያከናውን ቆይቷል።

ለስደተኞች የሚቀርበው መሠረታዊ ድጋፍ በመጠንም ሆነ በዓይነት ከጊዜ ወደ ጊዜ በመቀነሱ በስደተኞች የሰብአዊ መብቶች ጥበቃ ላይ ተጽዕኖ አሳድሯል።

ለዚህም እንደምክንያት የተነሳዉ ለስልጠና የሚውል በጀት አለመኖሩንና በተጨማሪም ለስደተኞች እና ጥገኝነት ጠያቂዎች በተለያዩ መንግሥታዊና መንግሥታዊ ያልሆኑ አካላት በቂ የሕግ ድጋፍ አገልግሎት የማይሰጥ መሆኑ ፍትሕ የማግኘት መብታቸውን በማረጋገጥ ረገድ አሉታዊ ተጽዕኖ ማሰደሩ መሆኑ ተገልፆል።

ኮምሽኑ ኦኩጉ የስደተኞች መጠለያ ይገኙ የነበሩ ደቡብ ሱዳናዊያን የሙርሌ ጎሳ ስደተኞችን በሚመለከት ከየካቲት 8 እስከ 19 ቀን 2016 ዓ.ም. ክትትል ማከናወኑን ተገልፃል።

በተደጋጋሚ ጥቃት እና ዘረፋ በማጋጠሙ ፤ምግብ፣ መጠለያ፣ ጤና እና ትምህርትን የመሳሰሉ አገልግሎቶች አቅርቦትም በበቂ ሁኔታ ባለመኖሩ ችግር ዉስጥ መሆናቸዉን በሪፓሪቱ አመላክቶል።

ኢሰመኮ በጉዳዩ ላይ ከስደተኞች እና ተመላሾች አገልግሎት እንዲሁም ከተባበሩት መንግሥታት ድርጅት የስደተኞች ከፍተኛ ኮሚሽነር ጋር ምክክሮችን መደረጉ የተገለፀ ሲሆን፤
የተለያዩ ስራዎችን በመስራት ስደተኞቹን ወደ ደቡብ ኢትዮጵያ ክልል ደቡብ ኦሞ ዞን ኛንጋቶም ወረዳ አይፓ ሳይት እንዲዘዋወሩ መደረጉን ኮምሽ ባወጣው ሪፓርት አመላክቷል፡፡

ሊዲያ ደሳለኝ

ሐምሌ 28/2017 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *