በአለማችን ጋዜጠኞችን በማሰር ግብፅ፤ሳውዲ አረቢያ እና ሶሪያ ቀዳሚ ሆነዋል።

ሪፖርተርስ ሳንስ ፍሮንትርስ (አር.ኤስ.ኤፍ) እንዳስታወቀው ቻይና ፣ ግብፅ ፣ ሳዑዲ አረቢያ ፣ ቬትናም እና ሶሪያ ለሁለተኛ ዓመት የጋዜጠኞች የወህኒ ቤት መሆናቸውን ቀጥለዋል ፡፡ድርጅቱ በሪፖርቱ ዘንድሮ በእስር ላይ የሚገኙት የጋዜጠኞች ቁጥር ካለፈው ዓመት ጋር ሲነፃፀር ቁጥሩ በሁለት ያነሰ መሆኑን ጠቅሷል፡፡

አምና የታሰሩት ጋዜጠኞች 389 ነበሩ እንደ ሚዲል ኢስት ሙኒተር ዘገባ፡፡“ይህ ማለት በዓለም ዙሪያ የታሰሩት የጋዜጠኞች ቁጥር አሁንም በታሪክ ከፍተኛ ደረጃ ላይ ይገኛል” ሲል አክሎ “በአምስቱ አገራት ብቻ ከግማሽ (61%) በላዩን ይዘዋል” ብሏል ፡፡

አር.ኤስ.ኤፍ እንዳስታወቀው ከአንድ አመት በፊት ከነበረው 31 አሁን በእስር ላይ የሚገኙት የሴቶች ጋዜጠኞች ቁጥር በ 35 በመቶ አድጓል ፣ አዲስ የታሰሩት ሴት ጋዜጠኞች አብዛኛዎቹ በቤላሩስ (አራት) እና በሁለቱ ሀገሮች የኮሮናቫይረስ ቀውስን ተከትሎ ከፍተኛ ጭማሪ አምጥቷል – ኢራን (አራት) እና ቻይና (ሁለት) ፡፡

በአር.ኤስ.ኤፍ ሠራተኞች እና በትራከር 19 በተሰበሰበው መረጃ መሠረት በዓለም ዙሪያ የኮቪድ -19 ወረርሽኝ በተስፋፋባቸው የመጀመሪያዎቹ ሦስት ወራት ውስጥ በጋዜጠኞች ላይ የዘፈቀደ እስራት በአራት እጥፍ ጨምሯል ፡፡ሪፖርቱ ከየካቲት መጀመሪያ አንስቶ እስከ ህዳር መጨረሻ ድረስ በዘፈቀደ እስራት ብቻ 35 በመቶው ሲይዝ ፣ በጋዜጠኞች ላይ የሚደርሰው አካላዊ ጥቃት እና ዛቻ ግን 30 በመቶውን ይወክላል ተብሏል ፡፡

በተጨማሪም በቁጥጥር ስር የዋሉት አብዛኞቹ ጋዜጠኞች ለጥቂት ሰዓታት ብቻ ወይም በአንዳንድ ሁኔታዎች ለጥቂት ቀናት ወይም ሳምንቶች መያዛቸውን የገለጸ ሲሆን ፣ ስለ ወረርሽኙ ሽፋን ከሰጡት ዘገባ ጋር በተያያዘ በቁጥጥር ስር የዋሉት 14 ጋዜጠኞች አሁንም በእስር ላይ እንደሚገኙ ገልጻል።

ውድ አድማጮቻችን እና ተከታዮቻችን የኢትዮ ኤፍ ኤም ስርጭቶችን፣ዜናዎችን እና ሌሎች ዝግጅቶችን ለመከታተል የቴሌግራም ቻናላችንን ይቀላቀሉ።
https://t.me/ethiofm107dot8
ድረ ገጻችንን https://ethiofm107.com/ ይጎብኙ::

በያይኔአበባ ሻምበል
ታህሳስ 6 ቀን 2013 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published.