በቀጣዪ ወር ወደ ነጩ ቤተመንግስት ገብተዉ አሜሪካን ማስተዳደር የሚጀምሩት ዶናልድ ትራምፕ የቻይናዉ ፕሬዝዳንት ሺ ጂፒንግ በበዓለ ሲመታቸዉ ላይ እንዲገኙ ጋብዘዋቸዋል፡፡
ትራምፕ ከሺ ጂፒንግ ጋር በቅርብ ሳምንታት ዉስጥ መወያየታቸዉንም አስታዉቀዋል፡፡
የቻይናዉ ፕሬዝዳንት ስለ ግብዣዉ ያሉት እንደሌለ የዘገበዉ አርቲ ኒዉስ በበዓለ ሲመቱ ላይ ይገኙ አይገኙ የሚታወቅ ነገር የለም፡፡
ከዚህ ቀደም አንድም የቻይና ፕሬዝዳንት በአሜሪካ አቻቸዉ በዓለ ሲመት ላይ ተገኝተዉ አያዉቁም፡፡
በሌላ በኩል ዶናልድ ትራምፕ ለሩሲያዉ ፕሬዝዳንት ቭላድሚር ፑቲን የግብዣ ጥሪ እንዳለደረጉ ክሪሚሊን አስታዉቋል፡፡
አባቱ መረቀ
ታኅሣሥ 3 ቀን 2017 ዓ.ም
