የሩሲያዉ ፕሬዝዳንት ቭላድሚር ፑቲን ተመራጩን የአሜሪካ ቀጣይ ፕሬዝዳንተ ዶናልድ ትራምን ለማግኘት ዝግጁ ነኝ ብለዋል፡፡
ከትራምፕ ጋር የምገናኝበትን ጊዜ ባላዉቀዉም ግን በፈለገበት ጊዜ ለመነጋገር ተዘጋጅቻለሁ ነዉ ያሉት፡፡
ትራምፕ የት እንድንገኛኝ እንደሚፈልግ አልነገረኝም ያሉት ፑቲን እኔ ግን የትም ይመቸኛል ማለታቸዉ ተሰምቷል፡፡
ላለፉት አራት አመታት ከዶናልድ ትራምፕ ጋር አዉርተዉ እንደማያዉቁም ፑቲን አንስተዋል፡፡
ፕሬዝዳንት ፑቲን የ2024 አመት ከመጠናቀቁ በፊት ከጋዜጠኞች ጋር የመጨረሻዉን ቃለ ምልልስ ማድረጋቸዉን ታስ ዘግቧል፡፡
ዶናልድ ትራምፕ በዩክሬኑ ጦርነት ዙሪያ ለመምከር ከፑቲን ጋር መነጋገር እንደሚፈልጉ መናገራቸዉ የሚታወስ ነዉ፡፡
ይሁን እንጅ ለበዓለ ሲመታቸዉ የቻይናዉን ፕሬዝዳንት ሲጋብዙ ፑቲንን አልጠሯቸዉም፡፡
አባቱ መረቀ
ታኀሣሥ 10 ቀን 2017 ዓ.ም
