በጋምቤላ ክልል በአራት ወረዳዎች በተከሰተ የአጣዳፊ ተቅማጥና ትውከት የዘጠኝ ሰዎች ህይወት ማለፉ ተነገረ።

የጋምቤላ ክልል የጤና ቢሮ የህብረተሰብ ጤና ዳይሬክተር አቶ ኝኪዎ ጊሎ ለኢትዮ ኤፍ ኤም እንደተናገሩት፤ለክልሉ አጎራባች በሆነው ደቡብ ሱዳን በሽታው ተከስቶ እንደነበር ተናግረዋል።

በክልሉ ኑዌር ብሔረሰብ ዞን በአኮቦ፣ ዋንቱዋ፣ ማኩዌይ እና ላሬ ወረዳዎች የአጣዳፊ ተቅማጥና ትውከት መከሰቱን እና ኮሌራ መሆኑን ለማረጋገጥ ዉጤቱ እየተጠበቀ መሆኑን ነግረዉናል፡፡

በበሽታው ከተያዙት 1መቶ36 ሰዎች መካከል የዘጠኝ ሰዎች ህይወት ሲያልፍ፤31 ሰዎች በህክምና ላይ እንደሚገኙም ነዉ አቶ ኝኪዎ የገለጹት፡፡

96 ሰዎች ደግሞ ከበሽታው ማገገማቸውንም ዳይሬክተሩ ለጣቢያችን ተናግረዋል፡፡

በሽታው በተከሰተባቸው አራቱ ወረዳዎች መድኃኒቶችና የህክምና መገልገያ ቁሳቁሶችን ማድረስ መቻሉንም ነዉ የገለጹት፡፡

አቶ ኝኪዎ በሽታው ወደሌሎች አካባቢዎች እንዳይስፋፋ ሕብረተሰቡ አካባቢውን እንዲያጸዳ እና ንጽህናውን እንዲጠብቅም ተናግረዋል።

ሊዲያ ደሳለኝ

የካቲት 10 ቀን 2017 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *