በሀገራችን ባሉ የህንፃ ባለቤቶች ላይ የሊፍቶችን(አሳንሰሮችን) ደህንነት በየግዜው የማረጋገጥ ችግሮች አሉ ተባለ፡፡

ህንፃዎች ላይ የሚገጠሙ ሊፍቶች(አሳንሰሮች) ላይ ተገቢውን ፍተሻ እና ጥገና አለማድረግ በህንጻ ባለቤቶች ላይ የሚታይ ክፍተት እና ዋነኛው ለአደጋ አጋላጭ ምክንያት ነው ሲል የአዲስ አበባ አደጋ እና ስጋት ስራ አመራር ኮሚሽን አስታወቀ፡፡

የኮሚሽኑ የህዝብ ግንኙነት ባለሙያ የሆኑት አቶ ንጋቱ ማሞ ፤ የሊፍት አገልግሎት በሚሰጡ ህንፃዎቸ ላይ በቋሚነት ባለሙያ እንደሚያስፈልግ ለኢትዮ ኤፍ ኤም ተናግረዋል፡፡

ኤሌክትሪክ በተለያየ ምክንያት የሚጠፋባቸው አጋጣሚዎች ስለሚኖሩ አደጋዎች እንዳይከሰቱ ይህንን ተክቶ የሚሰራ አውቶማቲክ ጀኔረተር እንደሚያስፈልጋቸውም ገልፀዋል፡፡

ከዚህ ቀደም ባሉት ግዜያት በሊፍት ምክንያት የሞት አደጋ አጋጥሞ እንደሚያውቅ አቶ ንጋቱ አስታውሰዋል፡፡

በሊፍት ምክንያት የሚከሰቱ አደጋዎችን ለመቀነስ የህንፃ ባለቤቶች ብቻም ሳይሆኑ ተጠቃሚዎችም ተገቢውን ጥንቃቄ ማድረግ እንደሚገባቸው ጠቅሰዋል፡፡

ኮሚሽን መስሪያ ቤቱ ለአደጋ የተጋለጡ ሊፍቶች ካሉ የቁጥጥር ስራ እንደሚሰራ እና ግን ደግሞ ሁሉንም ለማጣራት እንደሚቸገሩ አንስተዋል፡፡

ሐመረ ፍሬው

የካቲት 20 ቀን 2017 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *