ካለፈው ዓመት ተመሳሳይ ወቅት ጋር ሲነፃፀር አደጋዎች ቅናሽ አሳይተዋል ተብሏል።
በ2018 የመጀመሪያ ሩብ ዓመት አፈፃፀም 7 ሺ 8መቶ አደጋዎች መመዝገባቸዉ የተገለፀ ሲሆን፥ከባለፈዉ ዓመት ጋር ሲነፃፃር አደጋዎች ቀንሰዋል ነው የተባለው።
የአዲስ አበባ ፓሊስ ኮሚሽን የህዝብ ግንኙነት ሀላፊ ኮማንደር ማርቆስ ታደሰ ከጣቢያችን ጋር በነበራቸዉ ቆይታ፥ ባለፈው ዓመት በተመሳሳይ ወር ላይ ከ8 ሺህ 5መቶ በላይ አደጋዎች መመዝገባቸዉን አስታውሰዋል።
ካለፈው ዓመት ጋር ሲነፃፃርም በ2018 የደረሰዉ አደጋ በከባድና በቀላል አደጋ ላይ መቀነስ ማሳየቱን ተናግረዋል።
በ2018 የነበሩትን የአደባባይ በዓላትን በሰላም አጠናቀናል ያሉት ኮማንደር ማርቆስ፥ ቀጣይ የሚቀሩትንም 3 ሩብ አመታትን ከህብረተሰቡ ጎን በመሆን ዉጤታማ ስራዎችን እንሰራለን ብለዋል።
ሊዲያ ደሳለኝ
ህዳር 05/2018 ዓ.ም
