ከ2 ሺህ በላይ አስመጪና ሻጮች የሚሳተፉበት ኢግዚቢሽን ሊካሄድ ነው ተባለ

ባሮክ ኤቨንት ኦርጋናይዘር የ2017 ዓ.ም የአዲስ ዓመት በዓልን ምክንያት በማድረግ አስመጪዎች እና አምራቾች ከሸማች የሕብረተሰብ ክፍል ጋር የሚገበያይበትን ባዛር እና ኤክስፖን አስመልክቶ በዛሬው ዕለት በሚሊነየም አዳራሽ ጋዜጣዊ መግለጫ ሰቷል።

የአዲስ ዓመት ባዛር እና ኤክስፖ ከነሃሴ 20 እስከ ጳግሜ 5 ቀን 2016 ዓ.ም በሚሊኒየም አዳራሽ እንደሚያካሂድ ተገልፆል ፡፡

በዝግጅቱ ላይ ከ2 ሺህ በላይ አስመጪና ሻጮች እንደሚሳተፉ የተጠቆመ ሲሆን፤ በቀን ከ7 ሺህ እስከ 10 ሺህ ሸማቾች ይገኛሉ ተብሎ ይታሰባል ተብሏል፡፡

በተጨማሪ በየቀኑ በሀገራችን የሚገኙ ከ35 በላይ ባህላዊ እና ዘመናዊ የሙዚቃ ባለሙያዎች የሙዚቃ ስራዎቻቸውን እንደሚያቀርቡም ተመላክቷል።

የዝግጅቱ የመግቢያዉ ዋጋ ከ100-150 ብር እንደሆነ ተነግሯል ።

አቤል እስጢፋኖስ

ነሐሴ 03 ቀን 2016 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *