የደቡብ ኮሪያ መንግሥት በኢሚግሬሽን ዘመቻ የተያዙ ዜጎቹን ለማስለቀቅ ከአሜሪካ ጋር ስምምነት ላይ መድረሱን አስታወቀ።

የደቡብ ኮሪያ መንግሥት፤ በጆርጂያ በሚገኘው የሃዩንዳይ ፋብሪካ ላይ በተካሄደ ግዙፍ የኢሚግሬሽን ዘመቻ የተያዙ ዜጎቹን ለማስለቀቅ ከአሜሪካ ጋር ስምምነት ላይ መድረሱን አስታወቀ።

የደቡብ ኮሪያ ፕሬዝዳንት የጽህፈት ቤት ኃላፊ፤ የአስተዳደር ሂደቶች ከተጠናቀቁ ታሳሪዎቹን ወደ ቤታቸው ለማምጣት ቻርተር አውሮፕላን ወደ አሜሪካ እንደሚላክ ተናግረዋል።

የጽህፈት ቤት ኃላፊው ካንግ ሁን ሲክ፤ የሀገሪቱ ባለስልጣናት ወደፊቱ እንደዚህ አይነት ክስተቶችን እንዳይፈጠሩ ለመከላከል የቪዛ ሥርዓቱን ለማሻሻል እየሞከሩ መሆኑን ገልጸዋል።

ደቡብ ኮርያ እዚህ ስምምነት ላይ የደረሰችው፤ የአሜሪካ ባለስልጣናት በሀገሪቱ ከሚገኙ ግዙፍ የውጭ ኢንቨስትመንት ፕሮጀክቶች አንዱ በሆነው የሀዩንዳይ የመኪና ማምረቻ ውስጥ በህገወጥ መንገድ ሲሠሩ ተገኝተዋል ያሏቸውን ሰዎች በቁጥጥር ስር ካዋሉ በኋላ ነው።

በአሜሪካ የጸጥታ ኃይሎች ከተያዙት 475 ሰዎች መካከል ከ300 በላይ የሚሆኑት የደቡብ ኮሪያ ዜጎች ናቸው።

ጳጉሜ 3/2017 ዓ.ም

FacebooktwitterredditpinterestlinkedinmailFacebooktwitterredditpinterestlinkedinmail

Leave a Reply

Your email address will not be published. Required fields are marked *