በሳዑዲ ዓረቢያ በአስቸጋሪ ሁኔታ ውስጥ የነበሩ 1 ሺህ 4መቶ67 ኢትዮጵያውያን ወደ ሀገራቸው መመለሳቸዉን የሴቶች እና ማህበራዊ ጉዳይ ሚኒስቴር አስታዉቋል፡፡
በሳምንቱ ውስጥ በተደረገ 5 ዙር በረራ የተመለሱት ሁሉም ወንዶች ሲሆኑ፤ ከተመላሾች መካከል 15 እድሜያቸው ከአስራ ስምንት አመት በታች የሆኑ ታዳጊዎች ይገኙበታል።
መስከረም 5/2018 በተጀመረው ዜጎችን ወደ ሀገር ቤት የመመለስ ስራ እስካሁን 60 ሺህ 5መቶ19 ኢትዮጵያውያንን ወደ ሀገር መመለስ ተችሏል።
ሚኒስቴሩ በህገወጥ የሰዎች ዝውውር አስከፊነት ዙሪያ ህብረተሰቡን ለማስገንዘብ፣መደበኛ ያልሆነ ፍልሰትን ለመከላከልና ደህንነቱ የተጠበቀ የፍልሰት አማራጭን ለማበረታታት የሚያስችሉ ስራዎችን እየሰራ እንደሚገኝ ገልጿል፡፡
በተጨማሪም ለተመላሽ ዜጎች በአየር ማረፊያና በማቆያ ማዕከላት ተገቢውን ድጋፍ እና እንክብካቤ የማድረግ እና ከቤተሰብ ጋር የማቀላቀል ስራው ከሚመለከታቸው ባለድርሻና አጋር አካላት ጋር በቅንጅት እየተሰራ ይገኛል ብሏል።
መጋቢት 14/2018 ዓ.ም
